“ಅಜ್ಜಾ, ದೇವರು bad boy”
ತೊದಲುನುಡಿದೀಪ
{ಬರಹ ಮಾಲಿಕೆ }
***********
ಸಂಚಿಕೆ #6
*********
“ಅಜ್ಜಾ, ದೇವರು bad boy”
*******
ಕೃಪೆ :
ಶ್ರೀಮತಿ ಜ್ಯೋತಿ ಕಾಮತ್
(ನಾವು ಪ್ರತಿದಿನ ಹಾಲು ಮೊಸರು ಖರೀದಿಸುವ
ಅಂಗಡಿಯವರು ) ಹಂಚಿಕೊಂಡ, ಅವರ ಮೊಮ್ಮಗಳ ಜೊತೆಯ ಸ್ವಾರಸ್ಯಕರ ಸಂವಾದಕ್ಕೆ , ನಾನು ಸ್ವಲ್ಪ ‘ರೆಕ್ಕೆ ಪುಕ್ಕ’ ಹಚ್ಚಿದ್ದೇನೆ
**********
ಎರಡೂವರೆ ವರ್ಷದ ಮೊಮ್ಮಗಳು ನನ್ನ
ತೊಡೆ ಮೇಲೆ ಕುಳಿತಿದ್ಲು- ತನ್ನ ಗೊಂಬೆ ಲಚ್ಚಿಗೆ ಜೋಗುಳ ಹಾಡಿ ಮಲಗಿಸ್ತಾ ಇದ್ಲು.
ಇದ್ದಕ್ಕಿದ್ದಂತೆಯೇ
ಎಸೆದಳು ಒಂದು ಪ್ರಶ್ನೇನಾ
“ಅಜ್ಜಾ
ದೇವರು good boy ನಾ bad boy ನಾ?”
{ಥಟ್ಟನೆ
ಉತ್ತರಿಸಿದೆ }
“ದೇವರು good boy ಪುಟ್ಟ”
“ಅಜ್ಜಾ
ನಿನ್ನ ಹೆಸರೇನು ?”
{ಇದೇನಪ್ಪಾ ,
ಮೊದಲನೇ ಪ್ರಶ್ನೆಗೂ ಎರಡನೇ ಪ್ರಶ್ನೆಗೂ ಸಂಬಂಧವೇ ಇಲ್ಲ?? - ಇವಳು ಯಾವಾಗ್ಲೂ ಇದೇ ಥರ ಪ್ರಶ್ನೆ ಕೇಳೋದು
)
“ನನ್ನ
ಹೆಸರು ಚಿದಂಬರ – ನೀನು ಚಿದು ಅಜ್ಜ ಅಂತ ಕರೀತೀಯಲ್ಲ ?”
{ ಎರಡು ನಿಮಿಷ
ಅಲ್ಪವಿರಾಮ ,
ತನ್ನ ಗೊಂಬೆ ಲಚ್ಚಿ
ಮಲಗಿಸೋದ್ರಲ್ಲಿ ಅವಳು ನಿರತ }
........
.........
ಮತ್ತೆ ಪ್ರಶ್ನೆ
“ಅಜ್ಜಾ
ನಿನ್ನಪ್ಪನ ಹೆಸರು ಏನು?”
{ಓಹ್..ಇದು ಸುಲಭದ
ಸುಲಭದ ಪ್ರಶ್ನೆ- ತಕ್ಷಣ ಬಿಸಾಕಿಬಿಟ್ಟೆ ನನ್ನ ಉತ್ತರ
}
“ ನನ್ನ
ಅಪ್ಪನ ಹೆಸ್ರು ನಾರಾಯಣಜ್ಜ ಅಂತ ಪುಟ್ಟಿ , ನಿನಗೆ ಅವರು ಮುತ್ತಜ್ಜ”
{ಅವಳು ಪುನರುಚ್ಚರಿಸಿದ್ಲು
}
“ನಾರಾಯಣಜ್ಜ-
ನನ್ನ ಮುತ್ತಜ್ಜ”
“ಅವರು
ಎಲ್ಲಿದಾರೆ?”
{ಇದು ಸ್ವಲ್ಪ ಕಠಿಣವಾದ ಪ್ರಶ್ನೆ. ನನ್ನಪ್ಪ ಕಾಲವಶ ಆಗಿ 15 ವರ್ಷಗಳೇ ಅಗಿವೆ. ಏನಪ್ಪಾ ಉತ್ತರ
ಕೊಡಲಿ? ಆಲೋಚನೆಗೊಳಗಾದೆ.
}
“ಅಜ್...ಜ್ಜಾ
ಮುತ್ತಜ್ಜ ಎಲ್ಲಿದಾರೆ ?”
ಮತ್ತೆ ಕೇಳಿದ್ಲು. ಈ
ಬಾರಿ,
ಧ್ವನಿ ಎತ್ತರದಲ್ಲಿತ್ತು.
“ಅವರು
ಮೇ..ಲೆ ಇದ್ದಾರೆ ಪುಟ್ಟಿ”
“ಮೇಲೆ
ಅಂದರೆ?”
ದೇವರ
ಹತ್ತಿರ
...
{ ಮತ್ತೆ
ಅಲ್ಪವಿರಾಮ – ಲಚ್ಚಿಗೆ ಹೊದಿಕೆ ಹೊದಿಸಿ, ನಿದ್ದೆ ಮಾಡಿಸೋ ಬ್ಯುಸೀ ಅವಳು
}
..
ಮತ್ತೆ ಪ್ರಶ್ನೆ
“ಅಜ್ಜಾ
ಮುತ್ತಜ್ಜ ಯಾವಾಗ ನಮ್ಮನೆಗೆ ಬರ್ತಾರೆ ?”
“ಇಲ್ಲ
ಪುಟ್ಟೀ , ಅವ್ರು ಬರಲ್ಲ”
“ಹೌದಾ
– ಯಾಕೆ ಬರಲ್ಲಾ?”
{ಯಾಕೋ ಪ್ರಶ್ನೆಗಳು
ಬರ್ತಾ ಬರ್ತಾ ಕಠಿಣ ಆಗ್ತಾ ಇದೆ ಅನಿಸಿತು. ಏನ್ಮಾಡೋದು-ತಡ ಮಾಡೋ ಹಾಗಿಲ್ಲ }
ದೇವರು
ಮುತ್ತಜ್ಜನ್ನಾ ಕಳಿಸಲ್ವಂತೆ ಪುಟ್ಟೀ
ಯಾಕೆ
ಕಳಿಸಲ್ಲ? ನಂಗೆ ಮುತ್ತಜ್ಜ ಬೇ....ಕು
{ ಸ್ವಲ್ಪ ಹಟದ
ಧ್ವನಿ ಶುರುವಾಯ್ತು }
{ಅವರು ಸತ್ತುಹೋಗಿದ್ದಾರೆ
ಎಂಬುದನ್ನು ಹೇಳದಿರಲು ನನ್ನ ತಂತ್ರ ಮುಂದುವರೆಸಿದೆ
}
ಯಾಕೇಂದ್ರೆ
ದೇವರಿಗೆ ಮುತ್ತಜ್ಜ ಅಂದ್ರೆ ಇಷ್ಟ ಅಂತೆ. ಅದಕ್ಕೇ ಕಳಿಸಲ್ಲ.
ಓಹೋ-ಹೌದಾ?
ಅಜ್ಜಾ
ನಂಗೂ ಮುತ್ತಜ್ಜ ತುಂಬಾನೇ ಇಷ್ಟ – ಕಳಿಸಕೆ ಹೇಳು ದೇವ್ರಿಗೆ
ಹೌದಾ
– ಆಮೇಲೆ ಕೇಳ್ತೀನಿ ಆಯ್ತಾ? ಈಗ ನೀನು ಲಚ್ಚಿಗೆ ಜೋಗುಳ ಹಾಡಿ
ಮಲಗಿಸು.
{ವಿಷಯನ ಮರೆಸೋಕೆ
ಪ್ರಯತ್ನಿಸಿದೆ }
ಯಾಕೋ ಪುಟ್ಟಿ ಕೃಪೆ
ತೋರಿಸಿ ಸುಮ್ಮನಾದಳು
{ಅಬ್ಬಾ..ಕಷ್ಟದಿಂದ
ಪಾರಾದೆ ಅಂತ ನಿರಾಳ
ಆದರೆ..ಆದರೆ... ಈ
ನನ್ನ ನೆಮ್ಮದಿಯ ಕ್ಷಣ ಹೆಚ್ಚುಹೊತ್ತು ಮುಂದುವರೀಲಿಲ್ಲ
}
ಮತ್ತೆ ಪ್ರಶ್ನೆ
ಅಜ್ಜಾ
– ದೇವರ ಹತ್ರ ಮೊಬೈಲ್ ಇದೆಯಾ? ಮಾತಾಡಕೆ ?
ಹೌದು
ಚಿನ್ನೀ
ಮಾತಾಡ್ದ್ಯಾ? ಮುತ್ತಜ್ಜನ್ನ ಕಳಿಸ್ತಾನಂತಾ?
ಮಾತಾಡ್ದೆ
ಪುಟ್ಟಿ – ಇನ್ಯಾವಾಗ್ಲೂ ಮುತ್ತಜ್ಜನ ಕಳಿಸೋದೇ
ಇಲ್ಲಂತೆ ದೇವರು
ಯಾಕಂತೆ
ಅಜ್ಜಾ?
ಯಾಕೋ
ಗೊತ್ತಿಲ್ಲ ಪುಟ್ಟಿ ..ಅದು ದೇವರ ಇಷ್ಟ
----------------
ಅಜ್ಜ
– ನೀ ಸುಳ್ಳು ಹೇಳ್ತಾ ಇದೀಯ
{ಅಯ್ಯೋ ದೇವ್ರೇ –
ನನ್ನ ಸುಳ್ಳು ಇವಳಿಗೆ ಗೊತ್ತಾಗಿ ಹೋಯ್ತಾ!!! ..ಏನಪ್ಪಾ ಮಾಡೋದು .}
ನಾನೇನು
ಸುಳ್ಳು ಹೇಳಿದೆ ಬಂಗಾರೀ?
ದೇವರು
GOOD BOY ಅಂದೆ ? ಸುಳ್ಳು - ಈಗ ಗೊತ್ತಾಯ್ತು. ದೇವರು BAD BOY. GOOD BOY ಆಗಿದ್ರೆ , ಮುತ್ತಜ್ಜನನ್ನು ಕಳಿಸ್ತಿದ್ದ ನನಗಾಗಿ”
************************
ಅಂತೂ ಇಂತೂ ಎರಡು ತೀರ್ಮಾನಗಳನ್ನು ಮಾಡಿಯೇಬಿಟ್ಲು ಅವಳು
ಒಂದು: ‘ನಾನು ಸುಳ್ಳುಗಾರ’
ಎರಡು : ‘ದೇವರು BAD BOY’
{ ಓ ದೇವರೇ –
ನೀನೇ ನನ್ನನ್ನು ಕಾಪಾಡು }
**************
ಅದೃಷ್ಟವಶಾತ್ , ಅವಳಿಗೆ ನಿದ್ದೆ ಬಂದುಬಿಡ್ತು ಅವಳ ಗೊಂಬೆ ಲಚ್ಚಿ ಮಲಗಿಸೋ ಪ್ರಕ್ರಿಯೆಯಲ್ಲಿ.
ಅಬ್ಬಾ... ಇಂದಿಗೆ ಬಚಾವಾದೆ ಅಂತ ನಾನೂ ಮಲಗಿದೆ
******
ನನ್ನ ನಿದ್ದೆಯಲ್ಲಿ –ಹೊಯ್ದಾಟ – ತೊಳಲಾಟ-ಗೋಜಲು
ಇಂದು ನನಗೆ ಮತ್ತುದೇವರಿಗೆ ಆಗಿರೋ ಹಾನಿಯನ್ನು ಹೇಗೆ ಸರಿಪಡಿಸೋದು ?
ಅವಳಿಗೆ ಮನವರಿಕೆ ಮಾಡೋದು ಹೇಗೆ ?
ನಾಳೆ, ಏನೇನು ಪ್ರಶ್ನೆಗಳ/ ಸಲಹೆಗಳ ಬಾಂಬ್ ಸುರಿಮಳೆಯಾಗಬಹುದು ಅವಳಿಂದ ಅಂತ ಊಹೆ
-----------
ಅಜ್ಜಾ- ಮೊಬೈಲ್ ಕೊಡು – ನಾನೇ ಮಾತಾಡಿ ದೇವರನ್ನ ಕೇಳ್ತೀನಿ . ಒಪ್ಪದಿದ್ರೆ
ಬೈತೀನಿ ಅಷ್ಟೆ
ಅಜ್ಜಾ- ಇನ್ನೊಂದು ಐಡಿಯಾ; ಮುತ್ತಜ್ಜನ್ನ ಕಳಿಸೋಕೆ ದೇವರಿಗೆ ಇಷ್ಟ ಇಲ್ಲದಿದ್ರೆ, ನಾವೇ ಅಲ್ಲಿಗೆ ಹೋಗೋಣ್ವಾ?
ಅಜ್ಜಾ- ಎಲ್ರೂ ಮೇಲೆ ದೇವರ ಹತ್ತಿರ ಹೋಗ್ತಾರಾ?
ಇತ್ಯಾದಿ
ಇತ್ಯಾದಿ
******************
ನನಗೆ ಚೆನ್ನಾಗಿ ಗೊತ್ತು. ಎಲ್ಲಾ ತಂದೆ ತಾಯಿಯಂದಿರೂ ಮಕ್ಕಳ ಜೊತೆ
ಇಂತಹ ಸಂದಿಗ್ಧ ಸನ್ನಿವೇಶಗಳನ್ನು ಎದುರಿಸಿಯೇ ಎದುರಿಸಿರ್ತೀರ. ನಿಮ್ಮ ಅನುಭವವನ್ನೂ ಹಂಚಿಕೊಳ್ಳಿ
. ಕಠಿಣ ಪ್ರಶ್ನೆಗಳಿಗೆ ಚತುರ ಉತ್ತರ ದೊರೆಯಬಹುದು. ಹೊಸ ‘ತಾಯಿ ತಂದೆ’ ಯರಿಗೆ ಮಾರ್ಗದರ್ಶಕ ಆಗಲಿ
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ