ಸೂರ್ಯಮಾಮ ಎಲ್ಲಿ?- ಮೊಮ್ಮಗಳ ಉತ್ತರ ( ತೊದಲುನುಡಿದೀಪ ಸಂಚಿಕೆ#1 ) -ಬರಹ

 


ಮೊಮ್ಮಗಳ ಜೊತೆ ಸರಸ ಸಲ್ಲಾಪ #1
🧏🧏‍♂️
ಸೂರ್ಯಮಾಮ ಎಲ್ಲಿ?
👩🏻👩🏻
ಒಂದೂವರೆ ವರ್ಷದ ಮೊಮ್ಮಗಳು 'ಆರೋಹಿ' ಜೊತೆ, ನನ್ನದು, ಪ್ರತಿ ಬೆಳಿಗ್ಗೆ ಒಂದು ಚಂದದ ವಾಯುವಿಹಾರ. 
ನನಗೆ ಆಕರ್ಷಣೆ ಅಂದರೆ 
ಒಂದೇ ಸಮನೆ ನನ್ನ ಅವಳ ನಡುವಿನ ಮಾತುಕತೆ.
ಆಕೆಯ ತೊದಲು ಮಾತು, ಮುಗ್ಧಪ್ರಶ್ನೆಗಳು,  ಅಂಗಿಕ ಅಭಿನಯ,ನಮ್ಮ ವಿಹಾರವನ್ನು‌ ಸ್ವಾರಸ್ಯಕರ ಮಾಡುತ್ತೆ.
*******
ಇಂದಿನ ಪುಟ್ಟ ಸಂಗತಿ
******
ಪ್ರತಿದಿನ ಆಕಾಶದ 
'ಸೂರ್ಯಮಾಮ' ನಿಗೆ
 ಒಂದು‌ ನಮಸ್ಕಾರ ಮಾಡೋ ರೂಢಿ ಇದೆ.
ಆದರೆ......
ಇಂದು ಮಳೆಯ ಮಬ್ಬು ವಾತಾವರಣ.
ಸೂರ್ಯ ಕಾಣಿಸ್ತಾನೇ ಇರಲಿಲ್ಲ.
-------
ನಾ ಹೇಳಿದೆ
"ಪುಟ್ಟಿ, 
ಇವತ್ತು ಸೂರ್ಯಮಾಮ ಕಾಣಸ್ತಾನೇ ಇಲ್ಯಲೇ?"
ತಕ್ಷಣ ನಮ್ಮ ಪುಟ್ಟಿ ಕೊಟ್ಟ ಉತ್ತರ ಕೇಳಿ 
ನನಗೆ ಆಶ್ಚರ್ಯ ಮತ್ತು ಖುಷಿಯಾಯ್ತು. 
ಒಬ್ಬ ಕವಿ,  ಆ ಮುಗ್ಧಳ ಮನಸ್ಸೊಳಗೆ ಅಡಗಿಕುಳಿತಂತೆ ಭಾಸವಾಯ್ತು
----
ಆಕೆ ಹೇಳಿದ್ದು ಇಷ್ಟೇ:
" 
ಅಜ್ಜ,
ಮಳೆಯಿಂದ ಸೂರ್ಯಮಾಮ ಒದ್ದೆ ಒದ್ದೆಯಾಯ್ದ. 
ಡ್ರೆಸ್ಸ್ ಚೇಂಜ್ ಮಾಡಕೆ ಮೋಡದ ಹಿಂದೆ ಹೋಯ್ದ. 
ಸ್ವಲ್ಪ ಹೊತ್ತಿಗೇ ಬತ್ತ ಇರು"
*******
ವಾವ್..
ಎಷ್ಟು ಸರಳ, ಸುಂದರ ಕಲ್ಪನೆ  ಅಲ್ವೇ?
****
ಭಲೇ..ಮೊಮ್ಮಗಳೇ!

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಇಷ್ಟವೋ ಅಥವಾ ಪ್ರೀತಿಯೋ?

ಇಮೇಜ್
  ಇಷ್ಟ‌  v/s ಪ್ರೀತಿ ------- ಗಿಡದ ಜೊತೆ ಸಲ್ಲಾಪ ----------- ಸಂಚಿಕೆ #10 ************************ ಬಹಳ ದಿನಗಳ ನಂತರ,  ನನ್ನ 'ತರ್ಲೆ ಸ್ನೇಹಿತೆ'  ಹೂವಿನಗಿಡದ ಬಳಿ ಹೋ‍ದೆ. ಗಿಡ ಅದೇನೋ ಕಾತುರತೆ ತೋರಿಸಿತು. "ಒಹ್...ಬಂದ್ಯಾ...ಬಾ! ಬಾ! ಅಂದಿನಿಂದ ನಿನಗೆ  ಒಂದು ಪ್ರಶ್ನೆ ಕೇಳಬೇಕು ಅಂತ ಕಾಯ್ತಾ ಇದ್ದೆ" 'ಅಯ್ಯೋ ದೇವರೇ! ಏನು ಪ್ರಶ್ನೆ ಕೇಳುತ್ತಪ್ಪಾ'  ಎಂಬ ಆತಂಕ ನನಗೆ. ಸಾಮಾನ್ಯವಾಗಿ ನನ್ನನ್ನು ಗೋಜಲಿಗೆ ಸಿಕ್ಕಿಸುವ ಪ್ರಶ್ನೆಗಳನ್ನು ಕೇಳಿ ಮಜಾ ಪಡೆಯೋ ಸ್ವಭಾವ ಈ ಗಿಡದ್ದು. { ನಾ ಬರೆದಿರೋ ಹಿಂದಿನ 9 ಸಂಚಿಕೆಗಳನ್ನು ಓದಿದೋರಿಗೆ ಗೊತ್ತಿರುತ್ತೆ } " ಸರಿ, ಅದೇನು ? ಕೇಳು" ಗಿಡ ಮತ್ತೆ ಎಚ್ಚರಿಸಿತು  " ಪ್ರಶ್ನೆ ತುಂಬಾ  ಸರಳ ಅನಿಸಬಹುದು. ಥಟ್ ಅಂತ ಉತ್ತರ ಕೊಟ್ಟುಬಿಡಬೇಡ" " ಆಯ್ತು , ಅದೆಷ್ಟು build up ಕೊಡ್ತೀಯಾ? ಬೇಗ ಬೇಗ ಕೇಳು, ನನಗೆ ಬೇರೆ ಕೆಲ್ಸ ಇದೆ"  ಗಿಡ ಕೇಳಿಯೇಬಿಟ್ಟಿತು " ನೀನು ನನ್ನನ್ನು ಇಷ್ಟ ಪಡ್ತೀಯಾ? ಅಥವಾ ಪ್ರೀತಿಸ್ತೀಯಾ? " "ಆ..., ಇನ್ನೊಮ್ಮೆ ಕೇಳು" " ನೀನು ನನ್ನನ್ನು ಇಷ್ಟ ಪಡ್ತೀಯಾ? ಅಥವಾ ಪ್ರೀತಿಸ್ತೀಯಾ? " ----------------- ನಾನು ಜೋರಾಗಿ ನಕ್ಕುಬಿಟ್ಟೆ.  "ಅಯ್ಯ....ಇದೂ ಒಂದು ಪ್ರಶ್ನೆನಾ?  ಸುಮಾರು 15 ವರ್ಷಗಳಿಂದ ನಿನ್ನ ಒಡನಾಟ ನನಗೆ. ನಾ ನಿನ್ನನ್ನು ಬಹ...
ಇನ್ನಷ್ಟು ಓದಿ

ಕವಿತಾ ಸಂಗೀತ ಸಲ್ಲಾಪ - ಸಾಗರದ ಕಾರ್ಯಕ್ರಮ-16 ಜನವರಿ 26 - ಒಂದು ಅವಲೋಕನ

ಇಮೇಜ್
  ‘ ಕವಿತಾ ಸಂಗೀತ - ಸಲ್ಲಾಪ ’ ಕಾರ್ಯಕ್ರಮ ಸಾಗರ ( ಶಿವಮೊಗ್ಗ ಜಿಲ್ಲೆ)  ಕಾರ್ಯಕ್ರಮ  16 ಜನವರಿ 26  ( ಒಂದು ಕಿರು ಅವಲೋಕನ ) - ಪ್ರೇಕ್ಷಕರ   ಪ್ರತಿಕ್ರಿಯೆಯನ್ನು ಆಧರಿಸಿ     ಅದು  ಮಾಮೂಲೀ ಸುಗಮ ಸಂಗೀತ ಕಾರ್ಯಕ್ರಮ ಆಗಿರಲಿಲ. ಕಾರ್ಯಕ್ರಮದ ಶೀರ್ಷಿಕೆಯೇ ಭಿನ್ನ – ವಿಶೇಷ ಕವಿತಾ ಸಂಗೀತ-ಸಲ್ಲಾಪ ಎತ್ತರದ ದೊಡ್ಡ   ವೇದಿಕೆ ಅಲ್ಲ ಯಾವುದೇ   ಬ್ಯಾನರ್ ಇಲ್ಲ , ಹತ್ತಾರು ಗಾಯಕರು ಇಲ್ಲ. ವೈಭವದ  ವಾದ್ಯಸಂಗೀತಗಳು ಇಲ್ಲ. ನೂರಾರು ಮಂದಿ ಕೇಳುಗರಿಲ್ಲ . ಮನೆಯಂಗಳದಲ್ಲಿ ಜರುಗಿದ   ಪುಟ್ಟ ಕಾರ್ಯಕ್ರಮವಾದರೂ , ನೆನಪಿನಲ್ಲುಳಿಯುವ ಕಾರ್ಯಕ್ರಮ. ಕಾರ್ಯಕ್ರಮ ಜರುಗಿದ್ದು ಶಿವಮೊಗ್ಗ ಜಿಲ್ಲೆಯ ಸಾಗರದಲ್ಲಿ ;   ನಿವೃತ್ತ ಶಿಕ್ಷಕ , ಹರಿಕಥೆ ಕಲಾವಿದ ,   ಸಂಗೀತ –ಸಾಹಿತ್ಯ   ಕಲಾಪೋಷಕರಾದ ದತ್ತಾತ್ರೇಯ ಹೆಗ್ಡೆ ಮತ್ತು ಅವರ ಪತ್ನಿ ,   ಶಿಕ್ಷಕಿ ಗಂಗೂಬಾಯಿಯವರ ಮನೆ ‘ ಸ್ಪಂದನ ’ ದಲ್ಲಿ.   ಅದು ಸಾಂಪ್ರದಾಯಿಕ ಮಾಮೂಲೀ   ಸುಗಮ   ಸಂಗೀತ ಕಾರ್ಯಕ್ರಮ ಅಲ್ಲ , ಹೇಗೆ ? ಎರಡು ಪ್ರಮುಖ ಅಂಶಗಳು 1.   ಸಾಹಿತ್ಯ ಪ್ರಧಾನ ಸಂಗೀತ 2.   ವೈವಿಧ್ಯತೆ ·       ಕವಿತೆಯ ವಸ್ತು / ವಿಷಯ ಗಳಲ್ಲಿ ವೈವಿಧ್ಯತೆ ·    ...
ಇನ್ನಷ್ಟು ಓದಿ

ಗಿಡದ ಜೊತೆ ನನ್ನ ಸಲ್ಲಾಪ -ಸಂಚಿಕೆ #1 -ಪೂಜೆ ಓಕೆ – ಹೂವೇ ಯಾಕೆ ?-ಬರಹ

ಇಮೇಜ್
ಗಿಡದ ಜೊತೆ ಮಾತುಕತೆ ಸರಣಿ ಬರಹ  ಸಂಚಿಕೆ # 1  ************************* ಪೂಜೆ ಓಕೆ – ಹೂವೇ ಯಾಕೆ ? ******************** ದೇವರ ಪೂಜೆಗೆಂದು ಹೂ ಬಿಡಿಸಲು ಗಿಡದ ಬಳಿಗೆ ಹೋದೆ. ವಾವ್ , ನಳನಳಿಸುವ ಸುಂದರ ಹೂಗಳು ಥಟ್ಟನೆ ನನ್ನ ಮನದಲಿ ಚಿಮ್ಮಿತೊಂದು ಪ್ರಶ್ನೆ "ತಾಯಿಯಿಂದ ಮಕ್ಕಳನ್ನು ದೂರ ಮಾಡುವುದು ಸರಿಯೇ ?" ಈ ಪ್ರಶ್ನೆ ಕಲಕಿತು ಹೃದಯವ "ಪೂಜೆ ಓಕೆ, ಹೂವೇ ಏಕೆ?" ತಕ್ಷಣ , ಕಾಣದ ದೇವನಿಗೆ ಹೇಳಿದೆ “ ಇಂದಿನಿಂದ ಪುಷ್ಪಾರ್ಚನೆ ಇಲ್ಲ  ನಿನಗೆ ಬರೀ ಭಾವಾರ್ಚನೆ  ಮಾತ್ರ"   ಆ ದೇವ "ತಥಾಸ್ತು" ಅಂದನೋ ಇಲ್ಲವೋ ಗೊತ್ತಿಲ್ಲ ಆದರೆ , ಆದರೆ ಹೂವಿನ ಗಿಡದಲ್ಲಿ ಮಾತ್ರ ಆನಂದದ ಕಿಲ ಕಿಲ ಅಲ್ಲಿಯೇ ಇನ್ನಷ್ಟು ಕಾಲ ನಿಂತೆ , ತಾಯಿ ಮಕ್ಕಳ ಹಿಗ್ಗಿನಾಟದ ಪ್ರೇಕ್ಷಕನಾಗಿ ಒಮ್ಮೆಲೇ ಥಟ್ಟನೆ ಪೂಜೆಯ ನೆನಪಾಯಿತು. ಯಾರೋ ಕಿವಿಯಲ್ಲಿ ಪಿಸುಗುಟ್ಟಿದಂತಾಯಿತು  “ ಸಂತೃಪ್ತನಾದೆ ನಿನ್ನ ಭಾವದಿಂದ ನಿನ್ನ ನಿರ್ಧಾರದಿಂದ  “  ಪಿಸುಗುಟ್ಟಿದವ ಇನ್ಯಾರೂ ಅಲ್ಲ   ನಾ ಪೂಜಿಸುತ್ತಿದ್ದ  ದೇವ  
ಇನ್ನಷ್ಟು ಓದಿ